前日開工唔小心整花左車身(後輪前面)劃花了 是否要全車再濆過色呢?
一般出面收幾多錢o家
唔該晒 ^^
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
咁要睇你劃花左既面積有幾大先？
如果我無理解錯，你所講個位置應該係尾沙板前方，個位置都算當眼，但若果面積唔大，例如只係一條花痕咁花左無甩油，可以先試下用D粗臘捽下。
若果面積唔大但有D甩油而又無凹，可以到一般既汽車用品店下配返枝岩色既補油筆，只係幾十蚊，試下自己補油，再用較幼既水沙紙省返平，再用D粗臘捽下。
但如果面積大的話，咁就要搵車房搞。若果你有相熟車房，你當然可以比佢搞掂。但若果你無相熟車房的話，你就要小心比人開天殺價。
一般噴油分噴油同焗油兩種，前者故名思意即係淨噴油，如果有凹的話，師傅會先執返個型，再噴油，待乾，再用水沙紙省返平滑，最後車臘。而焗油同噴油所做既野相同，分別在於噴油同待乾既過程係焗油房進行，出黎效果當然焗油靚D啦！
價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，若果要執灰既地方只係好小的話，一般都唔會加錢，而焗油一般由$2000起。
個人建議，其實單件做，一般噴油師傅都可以做倒新舊色對返九成，睇落去都唔會好覺返噴過，況且，你花左既地方跟本唔大，件數亦唔多，無理由用埋呢D無謂錢去全車返噴，但若果你係完美主意者或者想順便轉色的話，全車返噴一般由$6000至$20000。
參考資料:
第一客貨車電召中心 www.relocationremoval.com 熱線 31711111
